Астана қаласының Төрелік соты
Регламентіне қосымша

1-бап. Терминдердің анықтамасы

1. «Тіркеу алымы» – төрелік талқылау басталғанға дейін туындайтын шығыстарды жабу үшін Астана қаласының Төрелік сотына (бұдан әрі – АҚТС) талап қою арызын беру кезінде төленетін алым.

2. «Төрелік алым» – АҚТС-қа берілген әрбір талап бойынша алынатын, АҚТС қызметіне байланысты жалпы шығыстарды (атап айтқанда, төрешілердің гонорарлары, хатшылықтың сыйақысы, төрелік талқылауды ұйымдастыру шығыстары және т.б.) жабуға арналған алым.

3. «Қосымша шығыстар» – нақты бір істі қарауға байланысты АҚТС көтеретін ерекше шығындар (атап айтқанда, жазбаша аударма шығындары, төрешілердің іссапар шығыстары және т.б.).

4. «Тараптардың шығындары» – тараптардың АҚТС-та дауды қарау барысында өз мүдделерін қорғауға байланысты көтеретін шығындары (атап айтқанда, сараптама жүргізу шығындары, сарапшыларға, аудармашыларға сыйақы төлеу, куәлардың шығындарын өтеу, олардың іссапар шығыстары және т.б.).

 

2-бап. Тіркеу алымы

1. Тіркеу алымы талап қою арызын беруге дейін 100% (жүз пайыз) аванстық төлеммен төленеді және 5 (бес) айлық есептік көрсеткішті (бұдан әрі – АЕК) құрайды, ҚҚС есепке алынбайды.

2. Егер Қазақстан Республикасының қолданыстағы валюталық заңнамасына қайшы келмесе, тіркеу алымы талап қою берілген күнгі Қазақстан Республикасы Ұлттық Банкінің ресми бағамы бойынша АҚШ долларымен немесе Еуромен төленуі мүмкін.

Талап қоюшының өтініші бойынша тіркеу алымын АҚШ долларынан немесе Еуродан өзге еркін айырбасталатын валютада төлеуге рұқсат берілуі мүмкін.

3. Тіркеу алымы азайтылмайды және (немесе) қайтарылмайды.

 

3-бап. Төрелік алым

1. Төрелік алым талаптың бағасына, талаптың мүліктік немесе мүліктік емес сипатына және тараптардың мәртебесіне (жеке және/немесе заңды тұлғалар) қарай айқындалады және:

1.1. АҚТС-тың 1 (бір) төрешісі қатысқан жағдайда:

а) заңды тұлғалар арасындағы мүліктік талаптар бойынша:

- талап қою бағасы 2 000 000 теңгеге дейін – тиісті жылға арналған «Республикалық бюджет туралы» Қазақстан Республикасының Заңымен белгіленген АЕК-тің 15 мөлшері;

- талап қою бағасы 2 000 000 теңгеден 10 000 000 теңгеге дейін – талап қою бағасының 2,5%-ы;

- талап қою бағасы 10 000 000 теңгеден жоғары – талап қою бағасының 2,0%-ы.

б) жеке тұлғалар арасында, сондай-ақ заңды және жеке тұлғалар арасындағы мүліктік талаптар бойынша:

- талап қою бағасы 1 750 000 теңгеге дейін – АЕК-тің 10 мөлшері;

- талап қою бағасы 1 750 000 теңгеден 10 000 000 теңгеге дейін – талап қою бағасының 2,0%-ы;

- талап қою бағасы 10 000 000 теңгеден жоғары – талап қою бағасының 1,5%-ы.

в) мүліктік емес талаптар бойынша – АЕК-тің 5 мөлшері.

1.2. АҚТС-тың 3 (үш) төрешісі қатысқан жағдайда:

а) заңды тұлғалар арасындағы мүліктік талаптар бойынша:

- талап қою бағасы 2 000 000 теңгеге дейін – АЕК-тің 45 мөлшері;

- талап қою бағасы 2 000 000 теңгеден 10 000 000 теңгеге дейін – талап қою бағасының 7,5%-ы;

- талап қою бағасы 10 000 000 теңгеден жоғары – талап қою бағасының 6,0%-ы.

б) жеке тұлғалар арасында, сондай-ақ заңды және жеке тұлғалар арасындағы мүліктік талаптар бойынша:

- талап қою бағасы 1 750 000 теңгеге дейін – АЕК-тің 30 мөлшері;

- талап қою бағасы 1 750 000 теңгеден 10 000 000 теңгеге дейін – талап қою бағасының 6,0%-ы;

- талап қою бағасы 10 000 000 теңгеден жоғары – талап қою бағасының 4,5%-ы.

в) мүліктік емес талаптар бойынша – АЕК-тің 15 мөлшері.

1.3. Алғашқы шешімнің күші жойылған жағдайда сол негіздер бойынша істі қайта қарау кезінде төрелік алым бастапқы мөлшердің 30%-ы көлемінде төленеді.

1.4. Төреліктің ұйғарымы немесе шешімінің телнұсқасын беру үшін әрбір бетке АЕК-тің 50%-ы мөлшерінде алым төленеді.

2. Егер валюталық заңнамаға қайшы келмесе, төрелік алым АҚШ долларымен немесе Еуромен төленуі мүмкін.

3. Егер тараптардың бірі істі 3 төреші құрамында қарау туралы өтініш берсе, ол жетіспейтін төрелік алым сомасының төленгенін растайтын құжатты ұсынуға міндетті.

4. Талап сомасын анықтау мүмкін болмаған жағдайда немесе талапта мүліктік және мүліктік емес талаптар біріктірілген жағдайда, төрелік алым мөлшерін АҚТС Төрағасы айқындайды.

5. Шарттарды бұзу, жарамсыз деп тану, орындауға мәжбүрлеу, меншік құқығын белгілеу және өзге де ұқсас талаптар бойынша төрелік алым шарттың немесе мүліктің жалпы құнына қарай айқындалады.

6. АҚТС Төрағасы Регламентте көзделген жағдайларда төрелік алымды төлеуден толық немесе ішінара босатуға, төлемді кейінге қалдыруға немесе бөліп төлеуге құқылы.

7. Істің күрделілігіне және қосымша шығыстарға байланысты АҚТС Төрағасы төрелік алым мөлшерін ұлғайту туралы ұйғарым шығара алады.

 

4-бап. Төрелік алымды азайту

1. Талап қоюшы талапты іс қабылданғанға дейін қайтарып алса – төрелік алымның 75%-ы қайтарылады.

2. Іс қабылданғаннан кейін, бірақ бірінші отырысқа дейін талап қайтарылса – 50%-ы қайтарылады.

3. Бірінші отырыста шешім шығарылмай іс тоқтатылса – 25%-ы қайтарылады.

4. Құзыреттілік болмаған және заңды күшіне енген шешім бар болған жағдайда алым шығыстарды шегере отырып қайтарылады.

5. Қайтару немесе азайту туралы шешім ұйғарымда көрсетіледі.

6. Бұл нормалар тіркеу алымына қолданылмайды.

7. Бір жыл ішінде қайта жүгінген жағдайда төрелік алым АҚТС Төрағасының шешімімен азайтылуы мүмкін.

 

5-бап. Қарсы талап бойынша төрелік алым

Қарсы талапқа бастапқы талапқа қолданылатын ережелер қолданылады.

 

6-бап. Төрелік алымды бөлу

1. Шығыстар тараптардың келісімімен, ал ондай келісім болмаған жағдайда – қанағаттандырылған талаптарға пропорционалды бөлінеді.

2. Өкілге төленген шығындар мен өзге шығыстар төрелік шешімімен басқа тарапқа жүктелуі мүмкін.

3. Шығыстарды бөлу шешімде немесе ұйғарымда көрсетіледі.

4. Талаптан бас тартқан жағдайда талап қоюшының шығындары өтелмейді.

 

7-бап. Қосымша шығыстарды жабу

1. АҚТС тараптарға қосымша шығыстарды жабу үшін аванс енгізуді міндеттей алады.

2. Аударма, іссапар және өзге шығыстар тиісті тараптың есебінен төленеді.

3. Шығыстарды бөлу 6-бапқа сәйкес жүзеге асырылады.

 

8-бап. Төлеу тәртібі

1. Төрелік шығыстар мен алымдар АҚТС шотына түскен күні төленді деп есептеледі.

2. Банк аударымына байланысты шығындарды төлеуші тарап көтереді.

 

9-бап. Тараптардың шығындары

Пайдасына шешім шығарылған тарап нақты жұмсалған, бірақ мүліктік талаптардың қанағаттандырылған бөлігінің 10%-ынан аспайтын, ал мүліктік емес талаптар бойынша 300 АЕК-тен аспайтын мөлшерде шығындарды өндіруді талап ете алады.

 

10-бап. Өзге бөлу тәртібі

АҚТС Төрағасы істің мән-жайларын ескере отырып, шығыстарды өзге тәртіппен бөлу туралы шешім қабылдай алады, оның ішінде негізсіз созу немесе адал емес әрекеттер салдарынан туындаған артық шығындарды өндіру туралы.